ATKV – dis 'n veel groter storie!
By die Afrikaanse Taal- en Kultuurvereniging is taal en kultuur die as waar om alles draai... goed geolie met eindelose interessanthede vir musieklikes, kultuurlikes, leergieriges en nuuskieriges. En 'n lorrievrag lekkertes vir plesieriges!
Om te sorg dat die geesdrif vir Afrikaanswees ál warmer word, bied die ATKV allerhande interessanthede rondom die taal aan en ieder en elk word genooi om daarby in te skakel:
TAAL
Afrikaans word bevorder deur die aanbied van kompetisies vir mense wat vaardig met die pen of glad met die mond is. (www.atkvprojekte.co.za)
MUSIEK
Afrikaanse musici kan hulle talente uitleef deur middel van talle musiekgeleenthede wat die ATKV skep vir klassieke en ander musiek soos ATKV-Muziq, ATKV-CrescendoKreatief, ATKV-Applous en die ATKV- Liertoekenning. (www.atkvprojekte.co.za)
TONEEL
Leerders se toneeltalent word ontgin deur middel van die ATKV-Tienertoneelkompetisie vir hoërskoolkinders. (www.atkvprojekte.co.za)
OPLEIDING
Verskeie werkskole, kursusse en opleidingsgeleenthede word aangebied vir onder meer liedjieskrywers, entrepreneurs en potensiële leiers. (www.atkvprojekte.co.za)
STUDIEHULP
Die ATKV het ook skoolhulpfonds, 'n studiebeurs en studielenings waarmee lede en hulle kinders finansieel gehelp word om hulle volle potensiaal te bereik. (www.atkv.org.za)
VIR DIE VROU
Talle verrykende aktiwiteite soos seminare, kursusse en kompetisies word deur die Dameskomitee aangebied, die vroue-vleuel van die ATKV. (www.atkv.org.za)
KUNSTEFEESTE
Deur middel van betrokkenheid by die Klein Karoo Nasionale Kunstefees, Aardklop Kunstefees in Potchefstroom en NAMPO, die landbouskou in die Vrystaat hou die ATKV sy vinger stewig op die pols van die jongste inisiatiewe waarmee die Afrikaanse kultuur aan die voorpunt kan bly! (www.atkvprojekte.co.za)
LEEGLÊTYD!
Die ATKV het ook ses puik vakansieoorde:
UIT DIE BOEK UIT
Die nuutste voordeel vir leeslustige lede – ATKV-LEESLEKKERTE – is 'n besteldiens via LAPA Uitgewers waarmee jy Afrikaanse boeke vanuit die gerief van jou huis kan bestel met ;n groot afslag op elke boek, plus, af en toe, ?n gratis boek uit die bloute! (www.lapa.co.za)
Vir enige navrae of verdere inligting kontak gerus die ATKV by: 011 – 919-9000 of die maklikonthounommer: 083 – 917 ATKV | 
