Die ATKV-gemeenskapsverhoog is terug op die Bult tydens Aardklop. Nie net gaan jy puik kunstenaars op die verhoog kan sien nie, maar dit gaan jou ook niks uit die sak jaag nie.

Die sewe topliedjieskrywers, gekies uit die ATKV-Crescendo-kompetisie in 2015, blyk toe ook sangers te wees en is op Aardklop te sien in Die song wil my nie los nie.

Tydens ’n glansgeleentheid is die jong sopraan, Palesa Malieloa (24) aangewys as die algehele wenner van die nasionale klassiekesangkompetisie, ATKV-Muziqanto.

Vir Luné van Rooyen, regisseur van die Hoër Volkskool Potchefstroom se Tienertoneelproduksie, Ontsnap, het haar toneelgroep reeds gewen.

Die ATKV-Boeke-oase gaan vir die duur van Aardklop Theo Kemp se huis weg van die huis af wees.

Die toneelgroep van die Hoërskool Waterkloof se Whatsapp-groepie het soos ’n “Kersboom opgehelder” toe hulle hoor hulle gaan aan die finaal van ATKV-Tienertoneel deelneem.

Dit is ATKV-Crescendotyd in Potchefstroom en as jy liedjies skryf en groot drome oor ’n loopbaan in die musiekbedryf droom, moet jy ’n oudisie kom aflê.

“’n Mens hoef nie ’n winkelpop te wees om fake te wees nie.” En die Hoërskool Rustenburg se toneelgroep met Plastique het gewys hul toneelspel kan nie met plastiek vergelyk word nie.

Stootskrapers wat huise in Distrik 6 platslaan, droogte en mynstakings is maar van die kwessies wat die hoërskole Ben Viljoen en Tygerberg in hul produksies vir ATKV-Tienertoneel aanspreek.

Dit was in Januarie 2012 wat die Here vir Braam Smith van Vereeniging tydens ’n ATKV-vergadering gevra het: “Braam, wat jaag jy?”