OOR DIE PROJEK

Die gewilde ATKV-Crescendo vier in 2016 sy 40ste bestaansjaar! Die ATKV bied met trots hierdie projek aan as geleentheid en platform vir alle voornemende liedjieskrywer-sangers om hulle talent en drome uit te leef. Sedert die ontstaan van Crescendo is talle bekende name in die Suid-Afrikaanse musiekbedryf  bekend gestel deur middel van hierdie projek. Dink maar aan Anneli van Rooyen, Randall Wicomb, Karen Hougaard, Anna Davel, Jak de Priester, Jay, Joe Niemand en nog baie ander.

Van 2014 af word landswye oudisies in Potchefstroom, Stellenbosch, Mitchels Plein, Atlantis, Bloemfontein, Kimberley, Oudtshoorn en Kaapstad gehou en jaarliks word hierdie voetspoor van die ATKV groter met meer oudisies in meer streke. Alle oudisies word voorafgegaan deur reklame by hoërskole deur die ambassadeur van die projek, Hemelbesem. Hierdeur word die jeug bewus  gemaak van die projek en aangemoedig om deel te neem. Hemelbesem dra die boodskap duidelik oor: Maak nie saak watter genre jy sing of skryf nie, of in watter styl of met watter aksent nie, ons wil dit hoor! Gospel, hiphop, jazz, reggae, klassieke musiek, kontemporêr en pop maak alles deel uit van die talent en musiek wat tydens die finaal van ATKV-Crescendo gehoor word.

Ontdek, ontwikkel, ontplooi, hierdie drie woorde beskryf die verloop van die projek. Die finaliste wat tydens die oudisies gekies word, kry die geleentheid om ’n mentorprogram van ses maande, genaamd ATKV-Liedjieslypskool, by te woon. Hulle ontvang opleiding in groepe en ook deur individuele sessies  by van die land se beste kunstenaars soos Hemelbesem, Anna Davel, Bouwer Bosch en Melissa van der Spuy. Pedro Kruger is die kursusleier.

Die eindresultaat is drie finale konserte waarvan twee by ATKV-Goudini Spa gehou word, een vir gospel en een vir ander genres. Die derde finaal is vir hiphop en die finaliste tree op saam met die land se beste rymkletskunstenaars. 

Vertel vir my jou storie, sing vir my jou song, en miskien kan ons mekaar beter verstaan...

Op hierdie bladsy is meer inligting oor oudisies, asook die twee produksies waarmee ons tans deur die land toer met 2015 se finaliste, naamlik Crescendo in konsert en Die song wil my nie los nie.

Die temalied van ATKV-Crescendo, Die song wil my nie los nie, kan afgelaai word by iTunes en alle fondse word gebruik om ’n musiekopleidingsentrum in Atlantis te begin. Hierdie lied wat deur Daphne Moses van Atlantis, en finalis van ATKV-Crescendo 2015, geskryf is, is ook opgeneem deur Anna Davel. Dit is nie net die temalied van die projek nie, maar word ook aangewend tot voordeel van die inwoners van Atlantis, want dit gaan oor tweede kanse en drome wat wel waar word!  

ATKV-CRESCENDO OUDISIES

6105_ATKV_Song_C oudisies Post_evs_ver1_20160413

 

 

 

 

 

 

 

 

 

 

 

 

 

 

 

 

ATKV-CRESCENDO - VIDEO'S

Die song wil my nie los nie is ‘n ATKV-Crescendo produksie wat jou hartsnare sal roer. Hierdie produksie vertel die stories van die sewe finlaliste van Crescendo 2015 en met teks en regie deur Hennie van Greunen word gehore landswyd meegevoer met stories wat jou laat saam huil en saam lag. Vertel vir my jou stories, sing vir my jou song, en miskein sal ons mekaar beter verstaan. Musiekregisseur Pedro Kruger het elk van hierdie kunstenaars se liedjies verwerk tot komposisies wat die stories en produksie komplimenteer in elk se eie unieke styl en genre.

Hennie van Greunen se teks en Kruger se regie maak van die produksie ʼn “lewende monument”, soos een resensent dit beskryf het.  Dit bied iets vir almal se smaak -  van Francis Brown se meevoerende hartsliedjies tot Remy E se meelewende kletsrym-komposisies. Kom geniet ʼn skouspel van ware Suid-Afrikaanse talent met musiek uit elke genre in Afrikaans.

Optredes tydens die Vrystaatkunstefees en Aardklop 2016. Besoek die fees webwerwe vir meer inligting.

 

 

 

 

 

DIE SONG WIL MY NIE LOS NIE

Die song wil my nie

“Ons het gelag, gehuil en gegil. Mense was op hulle voete vir ’n welverdiende staande ovasie. As jy die kans kry gaan kyk Die song wil my nie los nie”. So het ’n konsertganger na die konsert by die Suidoosterfees geskryf. 

“Die beste vertoning wat ek op die Woordfees gesien het.” en “Ek het van die begin af gelag en gehuil.” dit was van die gehoor se reaksie ná die stuk se opening. Sewe unieke talentvolle mense is gekeur vir die ATKV-liedjieslypskool. Hulle is toe meer as net liedjieskrywers; hulle is talentvolle sangers en elkeen het ’n pragtige storie 

Die song wil my nie los nie is ‘n ATKV-Crescendo-produksie wat jou hartsnare sal roer. Hierdie produksie vertel die stories van die sewe finaliste van Crescendo 2015 en met teks en regie deur Hennie van Greunen word gehore landswyd meegevoer met stories wat jou laat saamhuil en saamlag. Vertel vir my jou stories, sing vir my jou song, en miskien sal ons mekaar beter verstaan. Musiekregisseur Pedro Kruger het elk van hierdie kunstenaars se liedjies verwerk tot komposisies wat die stories en produksie komplementeer in elk se eie unieke styl en genre.

Sielvolle verwerkings en vertolkings deur die 2015 ATKV-Liedjieslypskoolfinaliste. Francis Brown, Oswald Johannes, Sumarie Uys, Carlyn Fransman, Whaden Johannes, Remy E en Daphne Moses. Hierdie groep van sewe baie talentvolle liedjieskrywers en kunstenaars bekoor gehore reeds sedert hul eerste optrede by die ATKV-Liedjieslypskoolfinaal in Mei 2015, en hul eie liedjies is vinnig besig om groot gunstelinge te word. 

Hennie van Greunen se teks en Kruger se regie maak van die produksie ʼn “lewende monument”, soos een resensent dit beskryf het.  Dit bied iets vir almal se smaak -  van Francis Brown se meevoerende hartsliedjies tot Remy E se meelewende kletsrym-komposisies. Kom geniet ʼn skouspel van ware Suid-Afrikaanse talent met musiek uit elke genre in Afrikaans.

TEMALIED INFO

Laai ons temalied af op iTunes en help ons om ‘n musiekopleidingsentrum in Atlantis te begin.
Daphne Moses, een van die 2015 finaliste van Atlantis het hierdie beeldskone lied geskryf en die ATKV het die lied by haar aangekoop om te gebruik as temalied van Crescendo. ‘n Professionele opname deur Anna Davel is beskikbaar op iTunes en beide die ATKV en Anna Davel skenk alle fondse wat gegenereer word deur verkope aan Atlantis se musieksentrum om mentors te vergoed vir die onderrig wat hulle bied asook om instrumente aan te koop en Atlantis Sekonder wat die spasie aan ons bied om hierdie sentrum te bedryf.

Nuus

  • En die wenners van die #MyTaal-kompetisie is...
  • Christia Visser maak rolprent oor sekswerker haar eie
  • ATKV-Handevatwenners se lig skyn helder
  • ATKV-Handevat: Kreatiwiteit uit ’n rommeltrommel
  • ATKV-Handevat: 'Die nuus het ons opgelig'
Page 1 of 58 FirstPrevious [1]2345 Last

Dokumente

Galery