Oor die projek

Doel van die projek

Om ’n liefde vir Afrikaanse toneelspel en –kyk by hoërskoolleerders te kweek sodat leerders hulle eie kreatiwiteit en talente daardeur kan ontgin en ontwikkel.

Uitlewing van Tienertoneel se droom

Met ATKV-Tienertoneel word elke regisseur aangemoedig om die leerders soveel geleenthede as moontlik te gee om by al die aspekte van die projek betrokke te raak, met ander woorde by die regie, kostuums, dekor, grimering, klank, beligting, verhoogbestuur, choreografie, ensovoorts.

ATKV-Tienertoneel: Toneelslypskole 2018

Die ATKV bied in 2018 twee slypskole aan:

•    2 tot 4 Julie in Ermelo by die Hoërskool Ermelo-ouditorium
•    5 tot 7 Julie in Bloemfontein by die C&N Sekondêre Meisieskool Oranje se drama-ateljee

Tydens die slypskool sal REGIE, SPELLEIDING en SPEL in diepte tydens interaktiewe lesings en praktiese oefeninge behandel word.

Koste beloop R500 per persoon per dag – dit sluit die kursusmateriaal, middagete en ligte verversings in. Jy kan inskryf vir slegs een dag, twee dae of al drie dae. Elke kursusganger ontvang ’n sertifkaat van bywoning. 

Die sluitingsdatum vir registrasies is 18 Junie 2018. ’n Deposito van 50% is betaalbaar wanneer jy inskryf. Registreer so gou as moontlik (met ’n voltooide inskrywingsvorm en ’n bewys van betaling van die deposito), aangesien ’n beperkte aantal kursusgangers geakkommodeer kan word.

Vir meer inligting klik hier.

Om in te skryf klik hier.
 

ATKV-Tienertoneelvideo's

 

 

Bestel DVD's

Daar is DVD’s beskikbaar van die afgelope paar jaar se finale – die ATKV-Tienertoneelfinaal 2011, 2012, 2013, 2014, 2015 en TOP5 van 2016 en 2017 – teen R130 ’n DVD. 

Laai die bestelvorm hier af.

Nuus

Page 1 of 15 FirstPrevious [1]2345 Last

Galery

Dokumente